Қазіргі таңда қоғамның дамуы тек экономикалық көрсеткіштерге ғана емес, оның азаматтарының психологиялық саулығына да тікелей байланысты. Психологиялық саулық – адамның эмоциялық, әлеуметтік және ойлау қабілеттерінің үйлесімділігі. Бұл тек жеке адамның емес, бүкіл қоғамның тұрақтылығы мен дамуына әсер етеді.
Психологиялық саулығы жоғары адамдар стресс жағдайында дұрыс шешім қабылдайды, қақтығыстарды бейбіт жолмен шешуге тырысады және қоғамдағы сенім мен бірлікті нығайтады. Керісінше, психологиялық күйзелісі бар азаматтар қоғамдағы тұрақтылыққа қауіп төндіруі мүмкін.
Мемлекет пен қоғамның басты міндеті – азаматтардың психологиялық саулығын сақтау. Бұл үшін білім беру жүйесінде эмоционалды интеллектке үйрету, психологиялық кеңес беру орталықтарын дамыту, әлеуметтік бағдарламаларды қолжетімді ету қажет. Отбасы, мектеп, жұмыс орны – адамдардың психологиялық үйлесімін қалыптастыруда маңызды рөл атқарады.
Қоғамның тұрақтылығы әрбір азаматтың психологиялық саулығымен тығыз байланысты. Сондықтан әрқайсымыз өз эмоцияларымызды бақылап, бір-бірімізге түсіністікпен қарасақ, қоғамымыз да сенімді әрі дамыған болады.
Жансая Ниязова, «Жастар ресурстық орталығы» жастармен жұмыс жөніндегі психолог маманы
