Ауданымызда спорт саласы күннен-күнге дамып , спортшы жасөспірімдеріміз аудан намысын қорғап, әр спорт түрінен чемпионаттарға қатысып, жүлдегер атанып жүр. Атап айтар болсақ, жуырда Талас ауданы Қаратау қаласында 2010-2014 жылғы туылған жасөспірімдер арасында дойбыдан Жамбыл облысының чемпионаты өтті.
Жарысқа облысымыздың аудандарынан спортшылар қатысып, бақтарын сынады. Айтулы бәсекеде ауданымыздағы №26 балалар жасөспірімдер спорт мектебінің дойбы бөлімінің жаттықтырушысы Ж.Заурбекованың шәкірттері Нұрлан Қалмұхан қарсыласынан басым түсіп, 1-орынды қанжығасына байласа. Арайлым Қалмұхан 2- орынды жеңіп алды.
Жеңімпаздар мен жүлдегерлер ұйымдастырушылар тарапынан диплом, медальдармен марапатталды.
аудан намысын қорғады
Тараз қаласында жасөспірімдер арасында спорттың Каратэ-до WKF түрінен Жамбыл облысының чемпионаты өткен болатын.
Осы айтулы жарысқа Тоғызкент балалар-жасөспірімдер спорт мектебінің жаттықтырушысы Ерсін Ысқақовтың оқушысы Дүйсенбек Әділжан қатысты. Жарыс нәтижесінде 2-орынды иеленді.
Жас спортшы өз сөзінде:
— Менің басты арманым еліміздің намысын жоғары қойып, алдағы жарыстарда бұдан да биік белестерді бағындырып, көк байрағымды әлем ареналарында желбіретіп, жеңіс тұғырынан көріну,-деді.
Сәулет ЕСҚАРАЕВ, «Sarysý»
