Аудан әкімдігінің ішкі саясат бөлімінің мемлекеттік әлеуметтік тапсырыс (“Жамбыл облысы жастар ұйымдарының Қауымдастығы » ЗТБ) негізінде мүмкіндігі шектеулі жандар үшін жаңарған Түркістанға саяхат ұйымдастырылды.
Іс-шараның мақсаты мүмкіндігі шектеулі балаларға әлеуметтік көмек көрсетуден бөлек оларды түрлі шараларға қатыстырып, қоғамдық ортаға бейімдеу, белсенділіктерін арттыру арқылы позитивті ойлау дағдыларын дамыту, спорттық, мәдени, қоғамдық іс- шараларға қатыстыру.
Түркістанның аты аталса, ең алдымен тарихи орындар, киелі жерлер, оның ішінде Қожа Ахмет Ясауи кесенесі ойға келеді. Саяхатшылар Қожа Ахмет Ясауи кесенесі ішінде түрлі мағлұматтар алып, көне жәдігер саналатын тайқазанның жанында естелікке суретке түсті. Түркістан қаласының тағы бір көрікті орны «Керуен сарайға» бет алған саяхатшылар, “ Дала Венециясы” ретінде танылып кеткен су арнасының бойымен алып кеме тұрған айдынға барды. Түркі әлемнің рухани астанасы — Түркістан қаласына туристік саяхатымыз жоғары деңгейде өтіп, саяхатшы балдар өздерінің шынайы ризашылықтарын білдіріп, аудан әкімдігінің ішкі саясат бөліміне алғыстарын білдірді.
Ботакөз Макашева,
аудан әкімдігі ішкі саясат бөлімінің бас маманы
