Ауданымызда балалардың қолайлы өмір сүрулері үшін жағдайлар жасалынуда. Қала, ауылдық округтерде балалар ойын алаңшалары ашылып, ел игілігіне берілуде. Осыған орай Жайылма ауылдық округіне қарасты Маятас елді мекенінде балалар ойын алаңшасының ашылу салтанаты өтті.
Салтанатты басқосуда Жайылма ауылдық округінің әкімі Ж.Смағұлов, аудандық мәслихаттың депутаты Қ.Дүзкенов, Жайылма ауылдық ардагерлер кеңесінің төрағасы Е.Құрманбеков, Маятас ауылдық ардагерлер кеңесінің төрағасы Н.Қойшыбаевтар құттықтау сөз сөйлеп, салтанатты түрде ашылу лентасын қиды.
Балалардың бос уақытын тиімді өткізуіне, денсаулығын нығайтуға және белсенді өмір салтын қалыптастыруға мүмкіндік беретін жаңа заманауи ойын алаңша.
Жаңа ойын алаңшасы қазіргі заманғы қауіпсіздік талаптарына сай жабдықталған. Мұнда әткеншектер, сырғанақтар, өрмелеуіштер және балаларға арналған басқа да ойын құрылғылары орнатылған. Барлық құралдар сапалы материалдардан жасалған және балалардың жас ерекшеліктеріне бейімделген.
Сәулет Есқара,
«Sarysý»
