«Жаңатас қалалық аула клубы» коммуналдық мемлекеттік мекемесінде 15 қыркүйек жаңа оқу жылының басталуына орай «Мектебім-менің мекені» атты тақырыбында салтанатты жиын болып өтті. Жиынға аула клубына қарасты екінші мөлтек ауданында орналасқан спорт алаңында азанғы ауысымнан 120 бала қатысты.
Жиын Мемлекеттік Әнұранмен басталды. Жаңа оқу жылымен мекеме орынбасары Бақыткүл Баймағамбетова құттықтап өтті. Тұрсынбай Маржанның орындауында «Ұстаз — ана», Әбіш Несібелінің орындауында «Үйретеді» әндері шырқалды.
Әр топтың балалары үш тілде тақпақтарын орындады. Балалар мен мұғалімдердің қолдарынан шыққан туындыларынан көрме ұйымдастырылды.
Г. Шонбаева,
Бұқаралық бөлім меңгерушісі
