Өнеркәсіп саласы-бұл кез келген мемлекет экономикасының маңызды секторы. Ол табиғи шикізатты өндірумен, оны өңдеумен және әртүрлі заттар мен энергияны өндірумен айналысатын кәсіпорындардан, зауыттардан және фабрикалардан тұрады. Өнеркәсіп өнімі ауданның экономикалық дамуына маңызды үлес қосып келеді. Соңғы жылдары ауданның даму динамикасы тұрақты өсімді көрсетуде. Әсіресе, ауыл шаруашылығы, шағын және орта бизнес, инфрақұрылымдық жобалар бойынша оң өзгерістер көрсетуде. Жаңадан зауыттар бой көтеріп, жаңа жұмыс орындары ашылуда.
Бүгінгі таңда ауданда өнеркәсіп саласында 15-ке жуық кәсіпорындар жұмыс атқарса, оның ішінде өңдеу өнеркәсібінде 5 кәсіпорын (Жарас ЖШС, Тараз Көлік жолы ЖШС, Асыл-Тұз ЖШС, Интеррин ЖШС, Мухамедия ЖШС) жұмыс жасайды. «KAZCHEMTRAIDING» ЖШС цемент шығару өндірісінің құрылыс жұмыстарының аяқталуы күтілуде.
Осы орайда, аудан әкімі С.Мамытов өңдеу өнеркәсібінің кәсіпорындарының тыныс-тіршілігімен танысып, мәселелерін жіті талқылап, бақылауға алынды. Өңдеу өнеркәсіп саласының ауданға қосар үлесі зор екенін айтып, алдағы жұмыстарына сәттілік тіледі. Ауданда өнеркәсіп өнімінің көлемінде айтарлықтай өзгеріс байқалған. Мәселен, 2025 жылдың 7 айының қорытындысымен өнеркәсіптік өнім (тауар, қызмет) өндірісінің көлемі көлемі 71,9 млрд. теңгені құрап, былтырғы жылмен салыстырғанда 101,6 пайызға көтерілген. Сонымен қатар, өңірдің әлеуетін арттыруға бағытталған жобалар кезең-кезеңімен жүзеге асып келеді. Аудан халқының тұрмыс сапасын жақсарту бағытындағы жұмыстар да алдағы уақытта да жалғасын таба бермек.
Аудан әкімдігінің кәсіпкерлік, өнеркәсіп және туризм бөлімі
