Сарысу аудандық орталық кітапхананың ұйымдастыруымен «Ел болып оқимыз» жобасы аясында Мәдениет скверінде Ұлы Жеңістің 80 жылдығына орай «Қазақтың батыр қыздары» атты ауызша журнал кең көлемде өтті.
Іс-шараның мақсаты оқырмандарға Ұлы Отан соғысына қатысқан қазақтың батыр қыздарының ерлігін насихаттау, жас ұрпақты отансүйгіштікке тәрбиелеу.
Іс-шара барысында жүргізуші мен кітапхана қызметкерлері А.Жанбекова, Г.Қошаева, Ж.Әбдірахманова -Шығыстың батыр қыздары атанған батырлықтың, қайсарлықтың символына айналған Әлия, Мәншүк, Хиуаз апаларымыздың өмірі мен майдандағы ерліктерінен мағлұмат беріп өтті, Б.Тәжібаевтың сөзіне жазылған С.Бәйтерековтың әнін кітапхана қызметкері А.Қойлыбекова «Әлия» әнін әуелете шырқап, көрермендер мен оқырмандардың жүректерін тебірентті, көздеріне жас алған көрермендер де болды. М.Ерімбетовтың сөзіне жазылған «Әлия мен Мәншүкке»- арнауын кітапхананың тұрақты оқырманы А.Нұрмахан мәнерлеп оқып берді.
Кітапхана қызметкері А.Қойлыбекова «Менің Қазағым» әнін әуелете шырқап көрермендердің көңілінен шықты. Кітапхана қызметкерлері Г.Қошаева А.Бақтыгерееваның «Мәншүк», Т.Тұрғынбекова «Хиуаз-Көк тәңірінің қызы», А.Қойлыбаева «Бейбітшілік Мәңгі сақталады» өлеңдерін мәнерлеп, нақыштарына келтіріп оқып берді.
«Қазақтың батыр қыздары» атты көрмесіне кітапхана қызметкері Ж.Рахымжанова библиографиялық шолу жасады.
Көрмеден Ұлы Отан соғысы туралы, Шығыстың батыр қыздары туралы әдебиеттер, анықтамалықтар, дәйекті сөздер, қазақтың батыр қыздарының портреттері орын алды.
Сарысу аудандық орталықтандырылған кітапханалар жүйесінің директоры Айтбала Жолмаханова қала тұрғындарын кітап оқуға шақырып, біздің болашағымыз кішкентай бүлдіршіндерге тәттілер үлестірді.
«Sarysý-ақпарат»
