Қоғамның дамуы мен мемлекеттің болашағы тікелей жастардың қолында. Себебі жас ұрпақ – елдің интеллектуалдық әлеуеті, жаңашыл ойдың бастауы және еңбек ресурсының негізгі күші. Сондықтан жастардың жан-жақты дамуына жағдай жасау – бүгінгі күннің маңызды міндеттерінің бірі.
Қазіргі жастар заман талабына сай ойлай алады, өзгерістерге бейім және жаңа мүмкіндіктерді игеруге қабілетті. Олардың бойындағы белсенділік, білімге құштарлық пен жауапкершілік қоғам өмірінің барлық саласында айқын көрініс табуда. Бұл – еліміздің тұрақты дамуына серпін беретін маңызды фактор.
Жастардың жетістікке жетуіндегі басты құндылықтар – сенім мен еңбек. Өзіне, өз таңдауы мен болашағына деген сенім адамды биік мақсаттарға жетелейді. Ал жүйелі, адал еңбек сол мақсаттардың жүзеге асуына негіз болады. Қандай салада еңбек етсе де, табандылық пен кәсіби жауапкершілік таныта білген жас маман ел дамуына өз үлесін қоса алады.
Мекеме басшысы ретінде жастардың бастамаларына қолдау көрсету, олардың әлеуетін ашуға мүмкіндік беру – басты бағыттардың бірі екенін атап өткім келеді. Біз жастардың білімін жетілдіруіне, тәжірибе жинақтауына және қоғамдық белсенділігін арттыруына бағытталған жұмыстарды тұрақты түрде жүргізіп келеміз.
Жастарға деген сенім – мемлекетке деген сенім. Ал сенім мен еңбекті серік еткен жас ұрпақ еліміздің ертеңін жарқын етері сөзсіз.
М. Пірімбек, “Жастар ресурстық орталығы” КММ-нің директоры
