Қаламыздағы орталық алаңда ауыл шаруашылығы өнімдерінің жәрмеңкесі өтті.
Жәрмеңке аудан тұрғындарын әлеуметтік жағынан қолдау мақсатында ұйымдастырылды. Жәрмеңкеге ет және түрлі азық-түлік тауарлар көп мөлшерде жеткізілді. Тауарлар тұрғындарға қолжетімді бағада сатылады. Тауар сапасы да жоғары. Тұрғындар үшін тауарлары қолжетімді бағада ұсынылған жәрмеңкені аудан әкімінің орынбасары Нұрлан Молдабеков аралады.
Жәрмеңкеге аудан тұрғындарының қазіргі сұранысына ие делдалсыз тікелей келген өнімдер шығарылды.
Жәрмеңкеге көршілес Түркістан облысы, Арыс қаласынан, Абай, Қарабұлақ, Төрткөл, Ордабасы аудандарынан және Тараз қаласы мен Жуалы ауданынан қарбыз-қауын және жеміс-жидектер, тауық өнімдері, «Аса даму» ЖШС-нің жұмыртқалары нарықтағы бағадан 15-20 пайызға төмен бағада ұсынылды.
Атап айтқанда, ет, балық, жеміс пен көкөніс, сүт өнімдері мен кондитерлік өнімдер сатылды. Мұндағы қауіпсіз және құнарлы өнімдер аудан тұрғындарына қолжетімді бағада сатылғанын атап өтуге әбден болады.
Сәулет Есқара, «Sarysý»
