«Халық үніне құлақ асатын мемлекет» тұжырымдамасы-бұл ел Президенті Қасым-Жомарт Тоқаевтың Қазақстан халқына арнаған Жолдауына арқау болған бағыттардың бірі. Мемлекет басшысының бұл тұжырымдамасы көптеген мәселеге қозғау салып, қалың ел тарапынан қолдау тауып отыр.
Өткен аптада аудан әкімінің орынбасары Жанғозы Жаркенов тұрғындармен жеке мәселелер бойынша қабылдау өткізді. Қабылдауда тұрғын үй алу, жұмысқа орналасу және өзге де жеке мәселелер бойынша тұрғындар қабылдауда болды.
Қабылдау барысында азаматтардың өтініштерін тыңдаған аудан әкімінің орынбасары Жанғозы Жаркенов әр мәселеге жеке тоқталып, заң аясында шешу жолдарын түсіндірді.
Қадағалауды қажет ететін мәселелер басшылыққа алынып, жұмыс жүргізілетіндігі айтылды. Сонымен қатар, көтерілген мәселелерге байланысты жауапты сала басшыларына тапсырмалар берілді.
Сәулет Рысбекұлы,
«Sarysý»
