Тазалық акциясының қоғамның назарын, қала көшелерінің тазалығын сақтауға, экологиялық мәдениетті қалыптастыруда маңызы зор. Осы ретте аудан әкімінің ұймдастыруымен «Жайнай бер-Жаңатасым» атты тазалық акциясы жалғасын табуда.
Қала тазалығы-мәдениеттің өлшемі. Аула мен көшелердің таза болып, жол жиектердің жасыл желекпен көмкерілуі, абаттандырылуы көзді қуантып қана қоймайды, тұрғындар үшін де өте маңызды.
Қала көшелерін ретке келтіруге барлық мекеме қызметкерлері атсалысуда. Тазалық жұмыстарын әр мекеме өздеріне бекітілген орындарда, саябақтарда, скверлерде және алаңдарда, шағынаудандарда, көпқабатты тұрғын үйлердің аулаларында жүргізді. Акция экологиялық мәдениетті дамытуға, санитарлық жағдайды жақсартуға және қоршаған ортаны абаттандыруға бағытталды.
Шаһар басшысы И. Домалақов:
-Бұл акция өз кезегінде қоршаған ортаны таза ұстауға, жастарды, жас ұрпақты тазалыққа, жауапкершілікке, табиғатты қорғауға деген жанашырлыққа үндейді. Апта ішінде барлық кәсіпорындар мен мемлекеттік мекеме ұжымдары өздеріне бөлінген аумақты тиянақтылықпен, үлкен жауапкершілікпен күл-қоқыстан тазартып, тазалық жұмыстарына жоғары деңгейде атсалысты. Алдағы уақытта да бұл бағыттағы шаралар жалғасады. Сіздерден азаматтық белсенділік танытып, біздің сүйікті қаламыз, үйіміз бен ауламызды абаттандыруға белсене қатысуларыңызды сұраймыз,-деді.
Иә, қала біздің ортақ үйіміз және оның таза әрі әсем болуы оның әр тұрғынына және жұмыскеріне байланысты екенін естен шығармайық.
Сәулет Есқараев,
«Sarysý»
