Аудан әкімі Сәкен Мамытовтың төрағалығымен әкімдік мәжілісі өтті.
Басқосуда «І-тоқсан қорытындысымен аудан бюджетінің орындалуы туралы» аудан әкімдігінің қаржы бөлімінің басшысы Ерлан Имашев баяндама жасады.
Күн тәртібіндегі екінші мәселе бойынша «І- тоқсан қорытындысымен аудан бюджетінің кірістер бөлігінің орындалуы туралы» аудандық кірістер басқармасының бөлім басшысы Тамара Спатаева есеп берді.
Одан кейін Жаңатас қаласының әкімі Илияс Домалақов «Жаңатас қаласындағы сенбілік жұмыстарының барысы туралы» атқарылған жұмыстарға тоқталды.
Күн тәртібіндегі барлық мәселелер толық қаралып, аудан әкімі Сәкен Үмбетұлы баяндамашылар мен жауапты тұлғаларға көтерілген мәселелер бойынша бірқатар тапсырмаларды жүктеді.
С. РЫСБЕКҰЛЫ, «Sarysý»
