2025 жылғы 8 қыркүйекте Қазақстан Республикасының Президенті Қасым-Жомарт Тоқаев Парламент палаталарының бірлескен отырысында Қазақстан халқына Жолдауын жариялады. Бұл Мемлекет басшысының сегізінші Жолдауы болып табылады. Сарысу ауданында Президенттің кезекті Жолдауын аудан әкімдігінің қызметкерлері, қоғамдық ұйымдардың өкілдері, жергілікті мәслихат депутаттары, құқық қорғау органдарының өкілдері, сонымен қатар аудандық ардагерлер кеңесінің төрағасы Серік Аппазов, қалалық ардагерлер ұйымының төрағасы Жұмәлі Орынбаев, аудандық ардагерлер кеңесінің мүшесі Тату Әйдіковтер аудандық әкімдіктің мәжіліс залында қойылған монитордан көріп, тыңдады. Жолдауда дүниежүзілік дағдарыстар мен мемлекеттер арасында орын алып отырған шиеленістер жайында айтылды. Еліміздің экономикалық, саяси дамуы және болашағы туралы кеңінен баяндады. Экономиканы цифрландыру, жасанды интеллект, энергетикалық даму, денсаулық, заң мен тәртіп турасында біраз мәселелерді ашық айтты, шешу жолдарын көрсетті. Қос палаталы парламентті бір палаталы парламентке ауыстыру жөніндегі ұсынысы қатысушылар тарапынан қызу қолдау тапты.
Жолдауда айтылған жайлардың барлығы Қазақстан халқының тұрмыс жағдайын жақсартуға қызмет етуі керек деп Президент қадап айтты. Жолдау жарқын болашаққа деген үлкен сенімнің бастауы болды.
Д.Ақділда,
аудандық ардагерлер кеңесі төрағасының орынбасары
