Осы аптаның дүйсенбісі күні Президент Қасым-Жомарт Тоқаев Қазақстан халқына кезекті «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауын арнап, елдің даму бағыттарын айқындап берді.
Жолдауда басты назар-жасанды интеллектті тиімді пайдалану, цифрлық трансформацияны жеделдету және осы арқылы еліміздің экономикалық қуатын арттырып, халықтың әл-ауқатын көтеру мәселелеріне назар аударылды.
Бұл стратегиялық құжат Қазақстанның жаңа кезеңдегі даму бағдарына жол ашып, инновация мен білімге негізделген қоғам құруға серпін береді.
Жолдаудың біріктіруші идеясы-цифрландыруды кең көлемде дамыту және жасанды интеллектіні жаппай енгізу. Президент Қасым-Жомарт Тоқаев экономиканың түрлі салаларына цифрландыру мен жасанды интеллект құралдарын жеделдетіп енгізу міндетін жүктеді. Бұл қадамның барлығы жинақтала келіп, Қазақстанның жаңа Ұлттық цифрлық даму стратегиясына біріктіріледі.
Ж.Орынбаев,
қалалық ардагерлер кеңесінің төрағасы
