Сыбайлас жемқорлыққа қарсы саясат шеңберінде нақты нысаналы көрсеткіштер Қазақстан Республикасының 2025 жылға дейінгі жалпыұлттық басымдықтарында, Қазақстан Республикасының 2025 жылға дейінгі ұлттық даму жоспарында, Қазақстан Республикасында мемлекеттік басқаруды дамытудың 2030 жылға дейінгі тұжырымдамасында, Қазақстан Республикасының 2030 жылға дейінгі құқықтық саясат тұжырымдамасында, Сыбайлас жемқорлыққа қарсы саясаттың 2022-2026 жылдарға арналған тұжырымдамасында көзделген. «Сыбайлас жемқорлыққа қарсы іс-қимыл туралы» Қазақстан Республикасының 2015 жылғы 18 қарашадағы №410-V ҚРЗ Заңына және «Сыбайлас жемқорлық тәуекелдеріне ішкі талдау жүргізудің үлгілік қағидаларын бекіту туралы», Қазақстан Республикасы «Әкімшілік құқық бұзушылық туралы», «Мемлекеттік қызметі туралы», «Сыбайлас жемқорлыққа қарсы іс-қимыл туралы» заңдарының талаптарын қатаң сақталуын қамтамасыз ету баршаның міндеті деп түсіну керек.
Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын іске асырылуы басты назарда болып отыр.
2015 жылдан елімізде мемлекеттік басқарудың бүкіл жүйесіне айтарлықтай әсер ететін, жемқорлыққа қарсы іс-қимылды алдын алудың басымдығын көрсететін сыбайлас жемқорлыққа қарсы күрестің жаңа кезеңі жүруде.
2025 жылға дейінгі сыбайлас жемқорлыққа қарсы күрес туралы жаңа заң және арнайы мемлекеттік бағдарлама жұмыс істейді. Сондай-ақ, үкіметтік емес ұйымдар сыбайлас жемқорлыққа қарсы күрес үдерісіне белсене қатысып, аудан тұрғындары мен жастар арасында білім беру ұйымдармен бірлесіп, жемқорлыққа қарсы іс-қимылға бағытталған іс-шараларын жүзеге асыруда.
Сыбайлас жемқорлыққа қарсы іс-қимылдың тиімділігі, сондай-ақ, осы мәселе бойынша мемлекеттік қызметшілер және студент жастар мен өскелең буынның көзқарасы анықталды.
Сыбайлас жемқорлыққа қарсы іс-қимылдың 1-ші бағытында сыбайлас жемқорлыққа қарсы мәдениет қалыптастыру деп белгіленген. Сонымен білім беру жүйесіндегі адалдық пен парасаттылық шаралары білім беру жүйесінде сыбайлас жемқорлықты жою, білім беру жүйесі арқылы сыбайлас жемқорлықтан бас тарту ортасын қалыптастыруда жас ұрпақтың өн бойына адалдық, парасаттылық, әділдік, сенім құндылықтарын сіңіру және жас буынның рухани болмысын бекітіп, сыбайлас жемқорлыққа қарсы мәдениетін дамытудың жобасы аясында басты ұстанымы ретінде қарастырылады.
«Қоғамда сыбайлас жемқорлыққа қарсы мәдениетті және сыбайлас жемқорлық көріністеріне төзбеушілікті қалыптастыру» жобасы нысаналы топтар арасында шараларға бағытталған таратпа материалдар, презентациялар дайындалды. Бүгінгі таңда, «Сыбайлас жемқорлыққа қарсы мәдениетті қалыптастыруға бағытталған іс шаралар кешенін ұйымдастыру» тақырыбында лот жарияланып, нәтижесінде жеңімпаз атанған «Нығмет Нұры» қоғамдық бірлестігімен 1 млн. 350 мың теңгеге келісімшарт жасалды. Жоба аясында жастар бойында адалдықты біріккен түрде қалыптастыру қажеттігі айқындалды.
Бүгінгі күні жоспарға сәйкес ұйымдастырылған іс-шараларда нысаналы топтар сыбайлас жемқорлыққа қарсы іс-қимылға, адалдыққа шақырылды.
Білім беру мекемелерінде (колледж, мектеп) академиялық адалдық және парасаттылық тақырыбы бойынша дәрістер мен семинарлар барысында “Адал азамат” тұжырымдамасы басшылыққа алынды, адалдық, парасаттылық, әділдік, сенім құндылықтарын сіңіру және жас буынның рухани болмысын бекітіп, сыбайлас жемқорлыққа қарсы мәдениет қалыптастырылды.
Ұлбике Сәлімова,
аудан әкімдігінің ішкі саясат бөлімінің басшысы
