Аудан әкімі Марат Сұлтанғалиевтың 16 желтоқсан Тәуелсіздік күні мерекесімен ҚҰТТЫҚТАУЫ
Құрметті сарысулықтар!
Баршаңызды 16 желтоқсан Қазақстан Республикасының Тәуелсіздік күнімен шын жүректен құттықтаймын!
Тәуелсіздік – бабалар аңсауы, бүгінгі ұрпақтың қолы жеткен киелі кезең.
Тәуелсіздік бізге оңайлықпен келген жоқ. Халқымыз небір жаугершілік замандарда еркіндік үшін қылыш сермеді. Қазақ қазақ болғалы басынан кешкен сан қилы тарихы, қырғындар мен зұлматтар, қантөгістер – бір ғана мүддені көздеді. Ол – Тәуелсіз ел атану еді.
Кешегі Алаш арыстарының да игі мұраты – Тәуелсіздік болды.
Ақыры, Желтоқсан көтерілісі ұлттық рухтың өлместігін жарқын түрде дәлелдеді. Ата – бабаның асыл арманы орындалып, 1991 жылы 16 желтоқсанда еліміз өз Тәуелсіздігін алды.
Тәуелсіздік жолында қаншама хандарымыз бен баһадүр батырларымыз, билеріміз бен асыл азаматтарымыз құрбан болды.
Мемлекет басшысы Қасым-Жомарт Тоқаев бұл күнді тәуелсіздік алуға зор үлес қосқан ұлттық батырларымызға тағзым күні ретінде атап өту керектігін айтты.
Қазақ елінің тәуелсіздік алғаннан бері бағындырған шыңдары да, атқарған игі істері де жетерлік.
Бірлігі мен ынтымағы жарасқан Сарысу жұртшылығы да Тәуелсіздіктің арайлы таңын көппен бірге қарсы алды. Тынымсыз еңбектің, алдағы күнге деген сенімнің арқасында аудан дамудың даңғыл жолына түсті.
Ата – баба аңсаған Тәуелсіздікті көздің қарашығындай сақтау, тұғырлы ету біздің басты борышымыз.
Ардақты ағайын!
Сіздерді еліміздің Тәуелсіздік күнімен тағы да құттықтай отырып, дендеріңізге саулық, отбастарыңызға амандық, бақ – береке тілеймін!
Тәуелсіз еліміздің мәртебесі биіктей берсін!
Еліміз аман, жұртымыз тыныш болсын!
Мереке құтты болсын!
тәуелсіздік-бейбітшілік, тұрақтылық
Құрметті жерлестер!
Сіздерді Ұлық, төл мерекеміз – Қазақстан Республикасының Тәуелсіздік күнімен шын жүректен құттықтаймын!
Тәуелсіздік біздің ұлтымыздың қасиетті және жоғары жетістігі. Халқымыз жыл сайын Тәуелсіздік күнін ең ұлы мереке ретінде атап өтеді.
Тәуелсіздік — еліміздің сан ғасырлық тарихында жаңа бет ашып, халқымызға еркін және гүлденген өмір құруға мүмкіндік берді. Қазақстан Республикасының мемлекеттік тәуелсіздігіне қол жеткізу — қазақ халқы үшін маңызды тарихи оқиға болды. Біз ата-бабаларымыздың тәуелсіздікке қол жеткізудегі барлық ұмтылыстары мен мұрасы ретінде ұрпақтан-ұрпаққа беріліп, баға жетпес тарихи, мәдени дәстүрлеріміздің, тіліміздің мәңгілік өмірін алуға себеп болғанына сенімімізді білдіреміз. Тәуелсіздік жылдарында халқымыздың жанқиярлық еңбегінің арқасында әсерлі нәтижелер мен өркендеуге қол жеткізілді.
Тұрақтылық, өзіне және өз болашағына деген сенім осы жылдар ішінде еліміздің өркендеу жолында басты бағдарға айналды. Тәуелсіздік алғаннан бері халқымыз Қазақстанның ұлы тарихын жаңа жетістіктермен және өзгерістермен жалғастырды. Тәуелсіздіктің, бейбітшіліктің, тұрақтылықтың және ұлттық бірліктің арқасында мемлекетіміздің маңызды бағыттары айқындалды.
Бүгінде Қазақстан азаматтары үлкен әлеуеті бар бейбіт елде өмір сүруде. Ұлы жетістік пен ұлттық игілік тәуелсіздікті қастерлеу — Қазақстанның әрбір азаматының парызы. Тәуелсіздік күні — мемлекетіміздің әр азаматының жүрегінде ерекше орын алатын мереке болып қала береді.
Қадірлі аудан тұрғындары!
Осы айтулы күні Сіздерге зор денсаулық, отбастарыңызға амандық, бақыт-береке тілеймін. Еліміздің жарқын болашаққа және дамуға жолы әрқашан жеңістер мен жаңа жетістіктерге толы болсын. Әрқашан бейбітшілік пен тыныштық болып, тәуелсіздігіміз мәңгілік болсын!
А.Сейналиев, аудандық мәслихаттың хатшысы
