Құрметті аудан тұрғындары!
Сіздерді мемлекеттік мерекеміз-Астана күнімен шын жүректен құттықтаймын!
Бұл күн, тәуелсіз еліміздің тарихында айтулы орын алар, маңызы терең мерекелердің бірі. Астана-жай ғана жарқын заманауи мегаполис емес, мемлекетіміздің жаңаруының символы. Күн сайын дамып, көркейіп келеді. Әлемдік қала құрылысының соңғы үрдістерін көрсететін және ең батыл идеяларды жүзеге асыратын, ең батыл сәулет жобаларын жүзеге асыру орны.
Бүгінде Елордамыз еңсесін тіктеп, зәулім ғимараттар, түрлі алып нысандар бой көтеріп, ару қаланың ажарын аша түсуде. Қазақстан халқының рухани өрлеуінің тірегіне, бірлігі мен ынтымағының белгісіне, серпінді даму жолына түскен қалаға айналды.
Елордамыз-саяси, экономикалық және әлеуметтік-мәдени мәселелер бойынша түрлі кездесулер еуразиялық кеңістіктегі орталығы болып табылады. 1999 жылы ЮНЕСКО-ның шешімімен «Бейбітшілік қаласы» статусы беріліп, жарқын болашақтың керемет үлгісін таныта білді.
Астана-жастардың қаласы. Асқақ армандарға ұмтылып, мақсаттарға жетуде жастар бақытын бас қаладан іздейді. Мемлекет тарапынан жастарға арналған көптеген қолдаулар да жастар үшін шабытпен жұмыс жасауға қолайлы жағдай туғызады.
Есілдің жағасында жаңаша сәулеттік нақышпен бой түзеп жатқан әсем қаланың сұлу бейнесі алыстан көз тартып, көңіл баурайды. Астана қаласын-оның даңқты тарихы мен дәстүрлерін, заманауи жетістіктерін мақтан тұтамыз. Төрткүл дүниеге төрелік айтылып, түрлі форматтардағы жиындар өткізілетін алаңға айналған елордамыздың келешегі кемел. Жылдар келе, алып Азия мен Еуропаның шоқтығы биік қалаларының біріне айналатынына, алдағы ғасыр үлесінен орын алып, батыл үмітпен, нық сенімнің тұлғалы тірегі боларына сенімдіміз.
Қадірменді жерлестер!
Осынау мереке қарсаңында Сіздерге зор денсаулық, отбасыларыңызға құт-береке, еңбектеріңізге табыс тілеймін.
Саялы Сарыарқаның төсінде бой көтерген қаламыздың ғұмыры ұзақ болсын. Еліміздің бас қаласы жайнап, гүлдене берсін!
Шаттық Мұсабеков,
аудандық мәслихаттың
төрағасы
